O equipo da Cátedra presenta un workshop no ICMLA en Miami

Dentro da actividade internacional da Cátedra INDITEX UDC de IA en Algoritmos Verdes, gustaríanos subliñar a presenza dos membros do seu equipo de investigación Verónica Bolón Canedo, Laura Morán, Brais Cancela e Amparo Alonso na 23ª edición do ICMLA (Congreso Internacional en Aprendizaxe Automática e as súas Aplicacións), celebrada en Miami (EUA).

O equipo da Cátedra organizou un dos catro Workshops que se levaron a cabo durante a mesma, e que baixo o título “Algoritmos Verdes: configurando un mundo sustentable coa innovación en IA”, estivo focalizado, entre outras temáticas, no desenvolvemento algorítmico orientado á eficiencia enerxética, á investigación en xestión e almacenaxe sustentable de datos, a redución da pegada de carbono dos algoritmos de IA, o estudo do impacto dos aavv en industrias ou o desenvolvemento de aplicacións de IA para acadar a sustentabilidade e combater a mudanza climática.