Conferencia "Cara a simplicidade no deseño e control de robots brandos", con Concha Monje

O pasado 14 de novembro, Concepción Alicia Monje Micharet falounos da súa investigación no ámbito da Robótica branda.

Foi no seo do Ciclo de conferencias Converxencia Verde: IA para un futuro sustentable”, que organizamos desde a Cátedra INDITEX UDC de IA en Algoritmos Verdes.

A profesora Monje, da Universidad Carlos III de Madrid, desenvolveu os recentes avances no seu eido de traballo, na procura dunha maior elasticidade e capacidade de deformación dos elementos, traballando con conceptos tan relevantes como a velocidade, a oscilación, a robustez e os controis necesarios para acadar a estabilización e un desempeño axeitados.

O desenvolvemento deste tipo de aplicacións en Robótica abre a porta a un enorme número de usos que serían imposibles, ou de moita maior complexidade para modelos máis robustos.