Nova sesión do Ciclo de conferencias con Marina Otero: "Nas profundidades da nube"

A Cátedra INDITEX UDC de IA en Algoritmos Verdes da Universidade da Coruña programa unha nova sesión do ciclo de conferencias “Converxencia verde: IA para un futuro sustentable”.

Nesta ocasión contaremos con Marina Otero Verzier, profesora na Graduate School of Architecture, Planning and Preservation (GSAPP) da Columbia University. É premio Harvard Wheelwright, e directora de Data Mourning, iniciativa educativa adicada á intersección entre infraestruturas dixitais e crise climática.

O relatorio de Marina, “Nas profundidades da nube” reflexiona sobre as demandas desta infraestrutura en materia de recurso, e explora modelos futuros de almacenamento dixital, integrando arquitectura, preservación e cultura dixital.

Será o venres 6 de xuño ás 12:00 hrs. no CITIC Centro de Investigacion TIC – Universidade da Coruña!

Inscricións na seguinte ligazón: https://lnkd.in/dZ_CFffn