Conferencia de Iago Suárez "Percorrido a través da eficiencia en Visión Artificial"

A Cátedra INDITEX UDC de IA en Algoritmos Verdes lanza a segunda edición do seu ciclo de conferencias, “Converxencia Verde: IA para un Futuro Sostible”.

O ciclo comezará cunha conferencia a cargo de Iago Suárez, PhD, enxeñeiro informático e especialista en IA con ampla experiencia tanto no sector público como no privado, tamén como emprendedor tecnolóxico.

A súa presentación, titulada “Percorrido a través da eficiencia na Visión Artificial”, explorará a evolución da IA ​​e a VA, desde algoritmos baseados en CPU ata métodos altamente paralelos baseados en GPU e NPU. Será un relatorio cun enfoque práctico.